Hassan Khalil
18 يونيو 2021 ·
رح احكيكم بصراحة غير عادية.
ما بعرف ليش عندي شعور قوي ان الدعم سيلغوه تدريجيا, متل ما دجنوكم تدريجيا، وانو ما رح تتحركوا، وما رح يصير نتيجته انتفاضة.
وليش الاستغراب؟ اللي خسر جنى عمره، وتفجر نووي وما انتفض؟
كنا ندافع وندافع، ويقولوا لنا عم تنحتوا بالصخر. المشكلة بالشعب؟ والمضحك انو الشعب بيكتب على صفحتنا عن الشعب، وانو المشكلة من الشعب.
لازم تعترفوا انو يظهر السياسيين هني اللي بيعرفوكم كتير منيح. دجنوكم اما بالوظائف، او بالتنفيعات. اوا اشتروا بعضكم بالخوات، او خدروكم. والباقي خوفوه من الزعران، او حبسوه بفتاوى دينية.
بعرف رح يزعل البعض منا. لكن ضمن هالنتيجة، ما عاد في شي محرز، وما عادت محرزة حدا يدافع عن حدا.
قال اللبنانيي اذكياء. بعد كل اللي صار، نجحوا ينسوكم مين سبب ماساتكم، وصار كل واحد مشغول يلم لقمة اولاده بدل ما يروح يشيلها من تم اللي سرقها منه. منشان هيك بيستاهل كل واحد هيك، ويتحمل مسؤولية حاله وذله وجوع اولاده.
للأسف مع جبنكم بيخسروا اللي متلنا، وما عندهم خيار الا يقبلوا الخسارة، لكن المشكلة متل ما كتير الفوا وتعودوا على الخنوع والخضوع، كمان يلي متلنا ما بيعرف يستسلم. رح نستمر بالتوعية، بس مش بالحث. الى ان يقضي الله امرا كان مفعولا.
حسن أحمد خليل ،تجمع استعادة الدولة
