Hassan Khalil
17 يوليو 2021 ·
انه الجنون… ما الحل؟
حسن أحمد خليل
ارجعوا احضروا مسرحية الزعيم لعادل امام.
انا الزعيم السني، ولا احد يتخطاني. بنزل موتسكلات وبحرق مطاعم وبسكر طرقات الجديدة وقصقص والناعمة.
انا تعلمت من حبيب قلبي الزعيم الشيعي الواحد الاوحد، اللي اذا حدا فكر يتطاول عليه، بينزل موتسيكلات خندق الغميق والشياح.
ونحن ال١٥٠ مرشح ماروني لرئاسة الجمهورية، بنسكر الساحل والزلقا والضبية، وبدنا نعيش لوحدنا… لنذبح بعضنا على مزاجنا.
الدروز حكماء. وقت الزركة بيضبوا على بعض. بس المهم الزعامات الدرزية محفوظة.
والشعب… اااخخخ… نصفه مع الزعيم. والنص التاني مجموعات واتساب: ويالله كلن يعني كلن.. في حدا عنده جواب، وبعدين شو؟ مجموعات ثورية من هنا وهناك، ، بس شجعان يروحوا على بيوت او يتعرضوا لكرامات سياسيين مش عنفيين، بس ما بيتجراوا حتى يقربوا على بيت زعيم واحد ميليشياوي.
والكل بيغرد بصفة المرشد بالامر: روحوا على هيك وانزلوا على هيك…
ما في بعد نجاح واحد لتشكيل قيادة واحدة بمشروع موحد.
حاولنا وفشلنا.
انه بلد مجنون ومجانين، وقوى دول برا بيعرفوا كتير منيح المشهد، وبيعرفوا انو في سعر للبعض الذي يباع ويشترى، والآخرين نهجرهم الى الاغتراب.
وياتي من يسالك ،شو الحل؟
هذا فردي. وذاك يساري لا يتفق لا مع اليمين… ولا مع يسار آخر. وهذه احزاب من عشرين عضو او اقل او اكثر، كلها رجال اعمال. وما ننسى الضباط والعسكر المتقاعدين…وثوار ١٧ تشرين، واحرار هون واحرار هونيك..
طيب، تعالوا الى كلمة سواء. تعالوا نحط ايدنا بايد بعض. تعالوا نضع خلافاتنا جانبا، ونبني على ما نتفق عليه. لماذا ننتحر جماعيا؟ خلينا نضوي مرة شمعة وحدة…
دولة مدنية مرتفع فيها حالة الوعي المواطني. تقضي على الجهل والغباء. اهلها مواطنون يصونون الطوائف والدين في الييوت، ويرمون الطائفيين في المزابل والمجارير.
لكن الدولة المدنية تحتاج هكذا شعب. من اين ناتي به؟
انتم ايها القراء، دخيلكم دلونا..
#حسن_أحمد_خليل ،
#تجمع_استعادة_الدولة
