Hassan Khalil
13 أغسطس 2022·
غير الغاز وقبله
دخلكم في حدا يذكرنا شو صار بالمفاوضات مع صندوق النقد،؟ ام ان الاخوة العصابة ما عجبهم شروطها؟
هل في حدا يذكرنا بالكابيتال كونترول، او ان الاستاذ مقرر انو ما رح يمر، ولو اتى غوتيريش نفسه.
*انا الزعيم*
وبعدو وحيضلوا سلامة حاكم.. والقضاء والامن بيحموه.. وبلطوا البحر…
*انا الزعيم*
في حدا يذكرنا بالصحافيين الجهابذة على رواتب سلامة، اللي صاروا خبراء احتياط الزامي ١٥٪، وانو الحاكم ما بيقدر قانونا ينزل تحته.
شو صار بالاحتياط الالزامي؟
وليش بلعوا لسانهم هالايام. وتنظيرهم بالمؤامرة لتشليح “المسيحيين” القطاع المصرفي.. اشتقنا لسبابهم..وغباءهم؟
في حدا يذكرنا بالمودعين وتعاميم الحاكم اللي كانت مش عاجبتهم..
عفوا نسينا الموازنة. حدا بيعرف شيء عنها، وكيف عم تدار الدولة؟
واسعار الصرف.. وما ادراكم ما اسعار الصرف. من ١٥٠٠ الى ٨٠٠٠، الى صيرفة الى سوق سوداء الى دولار جمركي الى دولار طلابي الى دولرة للفيول ودولرة للدولار ودولرة اللولار، ولولرة اادولار. الى الى…
ليس مثل لبنان ولا سياسيي لبنان ولا شعب لبنان..
ولو كنت سياسيا لدعست بنعلي اكثر.
ولو كنت مصرفيا لعربدت وتعجرفت اكثر.
لما لا، وامامي ناس اصبحوا كالمتزوجة، التي تشكو مساء من ضرب زوجها، ثم تذهب الى المخفر تسقط حقوقها خوفا من هجرانه. وفي الليلة الثانية تشتاق لضربه مرة اخرى، كي تبكي، وتشتكي… وتغفر… المهم ان لا يهجرها..
هنيئا للزوج السياسي والمصرفي…
هذا امراة يجب ان تضرب..
يجب ان تخرب البصرة…اصبح خرابها مطلبا.
غطيني يا صفية. نفسي عم تلعي..
شششخخخررر
حسن أحمد خليل
