Hassan Khalil
19 نوفمبر 2022·
احسن انتاج لبناني: النفاق.
ما حدا من السياسيين والاحزاب عنده مشروع دولة.
كلهم عندهم اجندات ومصالح شخصية، والسياسة صارت مهنة، مش وسيلة.
قلنا المواطنين اللي عملوا ثورة ٦ سنتات واتساب، ولدت مليون تشي غيفارا. انسى..
راحت الودائع.
ورفع الدعم.
وولعت الاسعار.
وينها طوابير الخبز والبنزين؟ انسى..
ومولدات عم تشتغل، وبتطعمي جيوب الكل.
وفيول بطعمي الكل.
وعجقة سير وحجوزات اخر السنة متل الصيف. وبفوت دولار جديد.. ونبلش كل يوم من اول وجديد..
سياسبين وشعب لابقين لبعض.
والناس جهلها اقوى من مصالحها..
قال انتخاب رئيس قال؟
.. وحكومة؟ لشو؟
كل الامور ماشية، والأمن مقبول، لانه الكل بيناسبهم الامن يكون هيك.
اللي بيشوفهم مختلفين، وعم يصرخوا، بيفكر عم يضحوا،.. للوطن..
منافقين وكذابين كيف ما برمت وجهك..
كذابين.. واكذب ناس اللي بيهزوا براسهم، وبيقولوا.. صحيح. مظبوط.. معه حق..
مجنون اللي بيدافع عن حدا.
والمجنون اكثر اللي بيموت منشان حدا، او من أجل… وطن..
#حسن_أحمد_خليل،
تجمع استعادة الدولة
