Hassan Khalil
30 نوفمبر 2022·
اسمعوا بشرفكم
ما عاد حنكتب فصحى.
وما عاد حنكتب جد.
لانو شو ما انكتب ما بيفيد..
قال شو؟
جميل السيد كنائب طلب من ابراهيم كتعان كرئيس لجنة مال، عقد اجتماع مساءلة لمصرف لبنان عن الشركة اللي دققت بالذهب؟
انشالله.
بكرا كنعان بيحيل الطلب لبري، اللي بس يسمع بيهز براسه استهزاء.
وبري بيحوله الى ابو صعب، اللي بيقول انو سلامة، اذا ما حضر، اهانة لكل المجلس، وما بيحضر.. بتعليمة من معلمه، رئيس المجلس المهان..
مساءلة مين الشركة اللي دققت، وقديش في ذهب؟
عم تمزح يا لواء؟ تخبزوا بالافراح..
كتير حتعرفوا من بري وسلامة..
نسيت شغلة.
دخلكم بري قال انو الذهب كمان من قدس الاقداس، او بس الودائع..؟
وشو مرة حدد قديش سعر الاونصة الذهب ابتداء من الاثنين المقبل، او بس الليرة ٣،٢٠٠؟
والله كل يوم بفيق، بقول:
هيك نواب بدهم هيك رئيس، وهيك ناس بدهم هيك نواب..
وكلهم بدهم متل رياض سلامة.
٦ مليون جبان امام شخصين..
وقال شو؟
بيصيروا الناس يهاجمونا انو عم تنظر علينا؟ بينسوا المرتكبين.
وشو فيهم يعملوا؟
ولا شيء. خليكن كل واحد ناطر التاني شو يعمل.
مش مليون ولا مية الف… ما لقينا عشرة الاف بس، ينزلوا معنا امام مصرف لبنان او البرلمان، ويقعدوا وما يتركوا ولو ماتوا..
الا اذا كانت كل الودائع مال حرام.. وما حدا عارف..
بس عمهرجان حزب او حركة بتمتلئ الساحات..
وين حجز العشاء الليلة؟
حسن أحمد خليل
