31 مارس · 2023
*برمضان والفصح، وبالوقت اللي عم يعمل عمرة*
بيقول انو هو تصريف اعمال، وبتدمع عينه بالقصر، وبس يقابل العسكر.
بنفس الوقت صار:
*~طار المرفأ عالسكت لشركة فرنسية ما عرفنا تفاصيل عقدها.*
*~طار البريد لنفس المجموعة.*
*~ تبين ان الحكومة مرخصة لاوجيرو تشتري E1 بفريش دولار، وتبيعه بالليرة لشركتين الخليوي بالليرة ب٤٧٥الف ليرة اي ٤ دولار، اللي بتبيعه للمستهلكين ب٢٠٠دولار.*
*~راح زار حليفه واخوه الكبير ومرجعيته بعين التينه، وكانوا بدهم ايضا يتذاكوا على الله ساعة برمضان، بس للمزاج، وهيك طلب الحليف من ٣ سنين وما تلبى طلبه*
*~على لحظة كان طار المطار لشركة أكل، مملوكة من ناس حلفائه، ما بيشبعوا اكل، ولا خبرة لهم في ألاكل او التعهدات. بيرجع للدولة بعد ٢٥ سنة، يعني بيكون اهترى المبنى واللي فيه وقتها…*
*هي نماذج من اللي عرفناه، وبيصرخ انو مضطر يصرف اعمال. كل هيدا برمضان وصوم وصلاة وعمرة.*
*تصريف اعمال على السكت طير مرفا وبريد وكان حيطير مطار، والاهم ايرادات الخليوي اللي حليفه مرة سماها نفط لبنان، ما بينعرف شو بيضل منها للدولة، بعد ما الشركات تعمل اللي بدها. بالماضي مولت مهرجانات لزوجات الزعماء..*
*الحمدلله ما كانت حكومة فعلية…ولا المجلس النيابي عم يجتمع طبيعي.. بين هالجوز من حكومة ومجلس… كانت دمعت عين الله..*
٣١ آذار ٢٠٢٣
حسن أحمد خليل
