23 مايو · 2023
اشربوا البحر وبلطوه
قال شو؟ القضاء الالماني اصدر مذكرة توقيف بحق رياض سلامة.. وقبله الفرنسي.
حبيبي، لو بيصدر قضاء ١٩٦ دولة امم متحدة، مذكرات، ما بيفيد.
نحن رياض سلامة، وهو نحن..
مستعدين ناخذ هليكوبتر على الامم المتحدة، ونصرح من منبرها: نحن عم ندور عن مين نخلي، مش مين نقيل.
ورياض باقي لانو ما حدا بغير ضباطه بالحرب..
ونكاية فيكم. ما بدنا صندوق نقد. ومن يوم الاثنين حيكون الدولار ٣،٢٠٠ ليرة.
انتو وقضاءكم ضعفاء.
القوي ما بيروح على القضاء..
واذا بتزيدوها بنحرك خلايانا بعواصمكم..
قال مذكرة توقيف قال.
والله لنفرجيكم نجوم الظهر، وتترحموا عليه، لما تشوفوا مين حنجيب بعده حاكم..
٢٣ ايار ٢٠٢٣
حسن أحمد خليل
