15 أغسطس · 2023
يا يوسف خليل.
رح احكيك من باب معرفتنا العائلية، وحرص عليك كوزير مالية..
شوف.
جابوك وحطوك ببوز المدفع..
ولهلق عملت اللي بيأمروك فيه..
لكن شوف شو عم يصير برئيسك الماضي.
السنيورة غسل ايديه منه..
والمصارف بلشوا يجلدوه، بعد كل المليارات اللي اغدقها عليهم، وانقذهم من إفلاسات.
المجلس المركزي انتفض، وعم يقول ما كان يوافق معه…
وبكرا “صار الوقت”، “وهلق شو”، وبرامج الاثنين للاحد، بيصيروا يصلبوا فيه..
واللي تخانقوا وضربوا بعضهم من اجله، بيتخانقوا على شتمه وشنقه..
طيب، “وهلق شو” ؟
هلق “صار الوقت” توعى لحالك ولعايلتك.
انت ابن بيت كريم، وتخرج من تحت ايديك مئات التلاميذ..
بتتذكر شو عملوا فيك انت وعم تخطب بالمجلس النيابي.. والله انا زعلت عليك. وطبعا زعلت منك..
خذ عبرة شو عم يصير مع رئيسك السابق، ووقف الممارسات المفروضة عليك.
بملخص. عندك فرصة ضيقة جدا تخفف الضرر، وتعمل بطل…
وإلا ما رح يترددوا لحظة يرموك..
انت حر..
اللهم اني بلغت.. فاشهد..
15 اب 2023
#حسن_أحمد_خليل
