اهضم نكتة من تفاهتها.. – تجمع استعادة الدولة

اهضم نكتة من تفاهتها..
قال بعد في لبنانيين بيتداولوا يوميا عن ضرورة انتخاب رئيس جمهورية..
لهلق بعدهم ما شافوا انو اصلا ما عاد في جمهورية.
وحكومة اشباح..
ودوائر مسكرة..
بعد في ما يسموه مجلس نواب، بينزلوا عليه كل كم اسبوع.. بيتحسسوا بعض..
بيلمسوا على بعض..
ببطمنوا بعض انهم بعدهم نواب..
عفوا نسينا..
وفيه بنك مركزي بحاكم مؤقت. فجاة قرر انو لبنان مش مفلس، وانو لازم الكل يحطوا ايديهم مع بعض ليرجعوا الودائع…
ما اتفقنا معك ما تنضم لجوقة الترقيع؟
يظهر نسيت شو صار مرة بوزير المالية وقت فكر يلقي خطاب بالمجلس النيابي.. اتصل فيه. اساله..
انت صديق محترم.. نصيحة كنت ملتزم الصمت، ما حدا زعل.. بس تحكي هيك؟ ليش؟
والاهضم الاهضم، الناس ما حاسة بكل هالامور..
وين تغديتوا اليوم؟
يالله اضحكوا شوية يوم الاحد..
١٤ يناير ٢٠٢٤
حسن أحمد خليل