١٣ نيسان ٢٠٢٤ غدا انتخابات نقابة المهندسين..

غدا انتخابات نقابة المهندسين..
ومن كم يوم المحامين والاطباء.
بيروت والشمال وغير مناطق..
وتحالف بين هالحزب او التيار او الحركة ضد هالحزب او التيار او الحركة..
كيف بيلتقى الزيت والماء؟
كلهم بعلمك مختلفين.. بعلمك بيصيروا متحالفين بالانتخابات المهنية.. تماما متل بعض الدوائر بالانتخابات النيابية..
البلد اللي مهندسينه واطباؤه ومحامينه.. وقضاته ونقاباته المفروض، “وجه الصحارة”، بعدها بتتبع لبعض الاحزاب والتيارات والحركات، اللي منهجيا دمروا البلد، بيكون بلد وشعب مش صحيح بيحب الحياة.

هيدا بلد اللي فيه هيك مهندس ومحامي وطبيب وقاضي ونقابي،
لا يستحق الحياة.. وغارق بالجهل والغباء..

اذا المهندسين والاطباء والمحامين هيك..
شو بتتوقعوا من الباقيين؟ وبيسالوك عن الحل؟
لا حل مع شعب نخره الفساد والجهل والعصبية للعظم..
قال انتخابات قال.. لنقابات مفلسة ماديا ومهنيا واخلاقيا..

هيك بلد مش غريب يتدخل فيه 20 دولة لكل تفصيل، ويتآمروا عليه بافلاسه وتوطين لاجئين فيه…

١٣ نيسان ٢٠٢٤
حسن أحمد خليل

Translate post
9:59 AM · Apr 13, 2024
·
2,773
Views