اذا بعد في ناس بتقرا او بتسمع..
للموهومين..وللمرة المية..
للموهومين اللي مصدقين انو الودائع بعدها موجودة، لكنها محتجزة في الخارج..
الودائع كانت عبارة عن خزنة كبيرة واقف عليها حارس قليل أمانة.
كل من يمر عليها، بيفتح له الحارس الباب، وبياخذ حصة..
~منهم من غرف من 45مليار دولار، بحجة حماية سعر الصرف بفوائد عالية من سياسيين ومتمولين، وايضا عامة ناس. من سنة ال95..
45مليار، كانت مصدر شراء ذمم كل الناس اللي اشتركت.
~ومنهم سياسيين واحزاب، من غرف من تمويل عجوزات الموازنات برعاية الحكومات والمجالس النيابية، اللي لليوم هني عم يشرعوا اصلاح.
على مدى 30سنة بلغت 100مليار دولار ديون وبقلبها الكهرباء، العاملين منه شماعة الدهاة وبيستعملوا الاعلام اللي اشتروه..
~ ومنهم من غرف من 5،5مليار دولار، بهندسات مالية من سنة 2016 الى 2019..
~ومنهم عامة الناس من غرف من 15 مليار دولار دعم غبي، طالبوا فيه احزاب لشعبوية..
~ومنهم مقترضين من اخذوا 32 مليار دولار من المودعين وسددوهم ما بين 2الى 20٪ من قيمتهم..
~ ومنهم من شارك بنهب ال3مليار دولار باسم المشروع النووي “صيرفة”.
~ومنهم من المصارف، اللي اعطاهم الحارس قروض ب1٪ ثم اقترضها منهم بفوائد 9 او 10٪لسنوات طويلة..
~ ومنهم مصرفيين عربدوا وفلشوا وهدروا وافلسوا.. فانقذهم الحارس بحوالي 8 مليارات لتعويم مصارفهم.، وبقيوا في مراكزهم.
واليوم هولي “الملائكة”عم يطالبوا باعادة هيكلة المصارف، برعاية النواب الجهابذة.. وما بدهم يتزحزحوا..
~ ومتهم من اخذ مليارات من الودائع بشكل قروض من بنك معين، ليشتري اسهم في هذا البنك.
~ومنهم آلاف مؤلفة، من نفضوا غبار عن اكتاف الحارس، ولمعوا صباطه وصورته، فاخذوا رشاوى… سياسيين صف اول لعاشر، وامنيين وقضاة واعلاميين ومصرفيين وموظفين قطاع عام وخاص، بستار عقود استشارية او قروض مزيفة، لا يسدد اصلها ولا فوائدها.
لهيك لازم تشوفوا الفيديو اللي برهنت انو الحارس هو اذكى شخصية ظهرت على الساحة اللبنانية من ولادته.. اشترى البعض واوهم 5ملايين لبناني انو نابغة،وياخذ جوائز عالمية وعرببة، وعم يعمل ارباح ويوزع عليهم، وهو طلع عم يوزع من الخزنة اموال على جيوب البعض من جيوبهم.. وجيوب البعض الأبرياء اللي مش عارفين شو عم يصير..
والكل ماشي وغاشي
منيح اللي ما عمل رئيس جمهورية. كان اكمل اللعبة بالوهم المزيف 6 سنين بعد، وجاب من المغتربين كم مليار زيادة، بشعار “روقي ما تخافي، شو بك معصبة؟.”
اللي بدو مصرياته، بدو ينظم حاله بمجموعة مودعين ومتقاعدين وعسكريين واساتذة حامعات ثانوي وجامعي ونقابيين وموظفين قطاع عام، ويعملوا جبهة وطنية بمطالب للجميع..
مش بيضلهم متفرقين ومتشتتين وبعدين بيشكوا وبينقوا. وبيقولوا معك حق.. وبينزلوا عالقهوة وعالمطعم..
اللي له حق، بدو فعليا يطالب فيه بتضحيات..
مش بيكون مدلل وقت الرخاء والسرقة، وبدو يحصل حقه مدلل بعد السرقة..
قومي يا صفية.. ضبي الشنطة لنلحق الطيارة..
آآآخخخ يا بلدي على المجموعة المجرمين.. وعلى اللي غاشي.. وماشي وراءهم..
وبدهم مصرياتهم..
وهلق بيشتمونا نحن..
الله مع الجماعة.. وبارك عمل الجماعة..
ايمتى حيتوحدوا اللبنانيين..
Translate post
8:57 AM · May 26, 2024
·
9,697
Views
