(غدا: اطردوا غادة عون وهيلانة اسكندر من الهيكل ولتذهبا الى الجحيم..سنجعلهما عبرة لمن يتجرأ علينا)
ما في قضاء..
في بس الباب العالي..
في بس الوالي..
بشرفكم عم تشوفوا المنظر..
ما عاد عم تسمعوا ولا عم تقراوا..
شو صار فيكم؟
العمى.. العمى..
هيدا بيدعي للحوار، وهيدا بيدلل كأنه بيرشح زيت..
والحوار ما هو الا لتثبيت الوضع القائم.. والمحاصصة..
وللي ما بدك؟ اهيك وهيك الوضع عادي ثابت..على راحته..
او اعقلوا وتعوا نتحاور..
ما في قضاء..
حتى القضاء اللي بامرهم، وخدم عندهم بهدلوه..
بدل ما يكون القاضي رمز العذرية والطهارة، صار بعض القضاة رمز النجاسة، بيتمنى يتصلوا فيه لياخذ تعليمات فتح او ضبضبة ملف..
مقال اليوم في جريدة حول قضية متهم دولي، يذكر فيه ما لا يقل عن 20 اسم قاضي.
هذا تمييز وذاك استئناف، وقاضي تحقيق ومدعي عام ومحامي عام في هالمحافظة او اخرى.
وهيئة قضايا، ومفتش قضائي، وقاضي جزائي، وأخر جنائي، ومستشارين مع قاضي.. ونظر وتأجيل وبت وإحالة واستماع وتحقيق واستئناف وطعن في صلاحية، واستئناف في طعن، ورد طلب، ومخاصمة، وعدم صلاحية وتنحي..
كل هذه الكلمات والجمل والعبارات والاسماء، في مقال واحد حول نظر القضاء في قضية متهم واحد..فيه مذكرات توقيف دولية ومحلية.. ويحرسه جهاز امني ميليشياوي، ومعه رسمي..
*ما في دولة في العالم متل لبنان اسماء قضاته يوميا في الصحف*
والنتيجة حاليا مطلوب راس اتنين فيه نافذين مستعدين يدفعوا لقضاة سيدات وسادة، يدفعوا لهم المبلغ اللي بيريدوه، بس يسكروا ملفات ..وهني ما معهم ما يكفي حاجتهم اليومية.
وكل يوم الاعلام الوسخ النتن الرخيص وبرامجه بيشوه سمعتهم..
اثنين سيدات قضاة وزملاء لهم قضاة شرفاء بيسووا الجمهورية كلها، وبيسووا اكثر من مليون مودع، ونصف مليون موظف عام ومتقاعد و٦ ملايين مواطن قاعدين على قفاهم.. وبيسالوك شو فينا نعمل؟ مليون ونصف يا جماعة قال بيخافوا ينضربوا..
بتطرح حلول وخرائط طرق.. ما حدا بيقرأ.. وبيسالوك شو الحل.
القضاة الشرفاء، ( لا نسميهم حماية لهم،) بيسووا القضاء والدولة والجمهورية كلها..
حدا بيعرف المبالغ المدفوعة للبعض اللي باعوا اثوابهم؟ .. بالملايين.. وقروض وتحويلات..
والنتيجة؟
وقال شو؟ لازم ينتخبوا رئيس جمهورية..
وقال شو؟ ما بيقبلوا المس بالسيادة؟
عصابات منافقة بيوزعوا أدوار..
البلد اللي باعوا قضاة انفسهم واثوابهم، تبهدل فيه القضاء.
لم يعد فيه جمهورية بل مزبلة، والمرتكب السارق طليق حر. والضحية اسير قهره وفقره..وضعفه وجهله..
شعب غاشي وماشي وهلق جاي الصيف واليحر..
قومي غطيني يا صفية..
ولا حيضل في جمهورية. فيه مزبلة وكسارة ومجارير..
فيه زعران ولو بكرافات..
ليه الله ابتلانا بهالتركيبة الجينية.. ليه الله ابتلانا بالهوية اللي ما فينا نتخلى عنها..ولو حاولنا..
قال جمهورية قال؟ هيدي عصفورية وسجن كبير فيه ناس محابيس للعلف..بس مبسوطين..
(غدا: اطردوا غادة عون وهيلانة اسكندر من الهيكل ولتذهبا الى الجحيم..سنجعلهما عبرة لمن يتجرأ علينا)
Translate post
9:13 AM · Jun 5, 2024
·
11K
Views
