مودعين.. وعسكريين.. واساتذة.. وموظفين.. ونقابيين..
هل ممكن التصديق ان ما من فئة واحدة من اعلاه، الا وفيها مجموعات.
والمجموعات غير معروف أهدافها، ولا اسماء قياداتها، ومن طوبها وخولها القيادة، ولا عدد المنتسبين اليها، ولا اذا كانوا صوتا واحدا، ام مجرد اعداد. لاجساد.
والأسوأ انهم جميعهم لا يتواصلون مع بعضهم كمجموعات ضمن الفئات. ولا فئات ضمن الفئات..
كلهم لهم سلوك واحد.. دبرني وشو خصني بالباقيين..
كلهم هدف واحد هو الحصول لانفسهم فقط، على بعض الفتات من الذين سرقوهم.. وبعدي الطوفان
بدل ان يكونوا جماعة واحدة للانتفاض على السارقين..
ما حدا يزعل.. هيد مش انانية.. هيدا هبل..
كنت من اول من يتحمس لكم ويزعل عليكم..
صار الزعل منكم.. صعبة تتوحدوا؟
بس سؤال: هل فعلا بتستغربوا ليش اللي بالسلطة مش شايفينكم؟
والسلام، كي لا اغلط بكلمة اكثر.
يا صفية بلاش نكمل .. ما فيش فايدة.
(ملاحظة. وللعلم. البعض من الجمعيات والصرخات جواسيس ومرتشيين من المصارف والسلطة)
١٠ تموز ٢٠٢٤
حسن أحمد خليل
