١١ ت١ ٢٠٢٤ شو سبب ذل النزوح؟ للي ما بيعرف..

شو سبب ذل النزوح؟ للي ما بيعرف..

بنعرف ان كارثة النزوح من الجنوب هو بسبب عدو شرس..
لكن بنعرف ايضا ان لو ما لبنان حاكمته عصابة موصوفة نهبته ولعنت ابو اللي خلفه ما كان بيكون ضعيف لهالدرجة، وما كانوا تعرضوا النازحين للذل..
لو بنى اعضاء العصابة دولة، بدل ما يسرقوها ويسرقوا ودائع الناس، لكان لبنان منيع، عنده ملاجئ ومراكز ايواء، وكانوا الوزراء فيه مشغولين بفتح المستودعات، بدل ما ينتظروا على المطار طيارة مساعدات من هون وهونيك..
صورة طفل تحت شادر على رصيف، تائه، وابوه وامه عم يتطلعوا عليه بنظرة العاجز، هيدي صورة لعنة رح تلاحقكم انتو واولادكم واحفادكم الى يوم الدين.
بالمناسبة. هل حتكونوا بعدكم على كراسيكم بعد الحرب؟
١١ ت١ ٢٠٢٤
حسن أحمد خليل