لبنان؟
بلد الحرامية اللي كمان شحاذين..
وين مصاري المركزي ووين المصاري اللي برا لمساعدة المشتتين؟
للمرة الخامسة باسبوعين عم نسال ليش الدولة ما بتستعمل كم مية مليون دولار من المركزي اللي جمعها بلعبة الليرة اخر سنة؟
بتتذكروا كان عنا رؤساء مليارديرية. وبرضو شحذوا وانعمل كرمالهم باريس 1و2و3…
وزمط ما صار سيدر..
واليوم عنا رؤساء وزعماء مليارديرية، وكل يوم ناطرين المساعدات اللي بتوصل او ما بتوصل.. واللي وصل ما عم ينشاف بمراكز الايواء..
وبعد كم يوم في مؤتمر بباريس جديد..
هل ممكن يكون اول سؤال بالمؤتمر، بعد الوصول بطيارات خاصة، والسلام والكلام، وين راحوا كل المصريات حتى اضطرينا للشحادة؟؟
وهل ممكن استعمال اموال السياسببن الموجودة بمصارف الغرب والشرق؟ وهل اللي بيسرق بيحق له يشحذ؟
وهل اللي افلسونا ودمروا دولتنا ومجتمعنا، هني اللي بيفاوضوا عنا؟
هذا ما يسمى بالم الطعن المزدوج.. Double whammy..
١٩ ت١ ٢٠٢٤
حسن أحمد خليل
