في مشكلة كبيرة..
شو الحل؟
بعد كل اللي صار بغزة ولبنان وبعدها بسوريا وقبلها بليبيا والعراق، في لبنان عنا جديا كم زعيم مرضى نفسيا، مهووسين بفرعون.. صاروا أسرى جبروتهم.. محبوسين بعقولهم.. ومحاطين بزلم يزيدونهم مرضا.. وبانصار شبيحة وكلام بذيء..
حتى لو أكثرهم كبروا بالعمر، بعدهم بيحكوا “بالوطن والاصلاح”، لكن بالسر مستعدين يعملوا اللي ما بينعمل مع “المعلم الكبير”، “صاحب القرار”، حتى يبيعوا اولادهم وعائلاتهم وازلامهم، ويلتزموا باللي بيامره “صاحب القرار”. بس المهم يبقوا بالكراسي والاحزاب والسلطة والنفوذ، وما يتقرب على ملفاتهم..
مستقبل لبنان بيد “صاحب القرار”.
هم طواويس منفوشة بالداخل، ومنتوفة برا..
اللي صار يعرف عن مين عم نكتب، خير..
واللي ما عرفهم ما محرز نسميهم..
طفي الضو يا صفية..
٢٢ ديسمبر ٢٠٢٤
حسن أحمد خليل
