برافو..
طار ميقاتي.. غط سلام والسنيورة.. طاروا وزراء حمايم.. غط وزراء عصافير..
اول انجازات حكومة نواف سلام هو اعتماد موازنة نجيب ميقاتي.. وما في عجلة لامور ثانية.. لشو؟
وقالوا الخطة الانقاذية مسؤولية البنك المركزي مش الحكومة.. يعني عيش يا كديش لينبت الحشيش.. وقربت الانتخابات..
والله اشتغلوا الشباب..
برافو..
انتظروا بعدها متل حكومة ميقاتي، اقرار هيكلة المصارف وشطب الودائع وعدم البحث ولا التدقيق في اي من الملفات في المركزي والمالية اللي كانت حكومة ميقاتي عم تطبخها..
تخبزوا بالافراح..
شو تغير؟
طار الميقاتي غط سلام والسنيورة..
طاروا وزراء حمامات..
غط وزراء عصافير..
بكرا بيطيروا وطاويط البنك المركزي والادعاء التمييزي والمالي..
وبيغط وطاويط جدد..
بس الاعلام “الوفي ببلاش” ما بيتغير.. وبيحط كل الحق على خطة حكومة حسان دياب..
بس شو بدك؟ للعدل والحق يقال، السير الذاتية للوزراء الجدد منيحة وغنية.. وسيتم حسب البيان الوزاري “تفعيل القضاء”.. المودعين فيهم يسحبوا من البنوك سير ذاتية “فريش”. السير الذاتية للوزراء القديمين راحت..
مش قلت لك يا صفية ما فيش فايدة.. غطينا لننام..
شوفي الفيديو تحت بتعرفي القصة والبير وغطاه…
اسرار تاليف الحكومة والتغطية عن جرائم الماضي. عفا الله عما مضى.
مسرح الجريمة هو المجالس النيابية..
تثبيت حكم السياسة مع المصارف بادوات القضاء والامن، والأهم الاعلام.
وما قيل ما هو الا القليل.. والاتي اعظم..
٧ آذار ٢٠٢٥
حسن أحمد خليل
