تعوا نضحك سوا بالعيد..
*عيديات متفرقة في اختيار حاكم المركزي..*
~ *”الاحتلال الايراني” امن النصاب لاختياره، ورئيس مقاومة الاحتلال شكره..*
~ *دبابير القصر اقترحوا الحاكم، واقنعوا الرئيس ما يقابل اخرين… وهني اقنعوا الرئيس بالتحالف مع اللي ما كان بدو اياه رئيس.. سمن وعسل مع تبويس وعبيط.. يعني تخبزوا بالافراح للاعياد الجايي. انتظروا تعيين المدعي العام المالي الجديد.. ولجنة التحقيق الخاصة.. نكتة عيد الفطر والاضحى والضحايا..*
~*8 ضحايا ابرياء طيونة وعين الرمانة وما بيشبهونا انتخبوا الحاكم..*
~ *اللي بيفيق وبينام مهلوس بالسلاح الغير الشرعي، اشترك مع هالسلاح في اختيار الحاكم..*
~ *من 2018 جماعة 14 آذار اللي رافعين شعار “نواف سلام بيمثل السيادة”. هني اول من تركوه بإهانة عند اول مفرق..*
~ *الوزراء الدكاترة والسير الذاتية اللي مش محاصصة ولا احزاب، و”اختارهم سلام”، اخذوا تعليمات من رؤساء الاحزاب*
*اللي حموا رياض سلامة، جابوا الجديد محله.. خطابات السيادة والسلاح الغير شرعي و”الودائع برقبتنا ولا تمس وقدس الاقداس، وما بيشبهونا”، هني “مراجيح وزنازيق العيد في حرج بيروت”*
“In USD we believe”
*بس بشارة العيد: هالنظام المالي والمصرفي راح يوقع لا بد.. هدايا دول مانحة وودائع جديدة ما في. “يوك”*
كل عام وانتو بخير..
31 آذار 2025
#حسن_أحمد_خليل
