٢٠ نيسان ٢٠٢٥ *خبرية حلوة في عيد الفصح اول نيسان..* *ظهر الحق.. وزهق الباطل.. اموال المودعين بخير.. ان سوروس كان زهوقا.

*خبرية حلوة في عيد الفصح اول نيسان..* *ظهر الحق.. وزهق الباطل.. اموال المودعين بخير.. ان سوروس كان زهوقا.
*
حسب برامج الكوميديا الأسبوعية:
~ صندوق النقد ومجموعات شيطانية سوروسية هم من يخططون لشطب الودائع..
لكن قداسة المجلس النيابي والمصارف وعظة الأحد وخطبة الجمعة ورياض سلامة القضاة، حماة الديار، وبرامج الكوميديا والسوشال ميديا، كلهم مجتمعين كشفوا المؤامرة. وسيضمنوا حماية الودائع.. انها قدس الاقداس..
“كلام ببقشعر البدن”..
شو يا مودعين؟ اطتمنتوا؟ رح يضمنوا لكم مش ٨٩ مليار دولار بل ١٢٠مليار..
مبسوطين؟
رح احكي لكم قصة الأرملة اللي قالت إنها نفذت رغبة زوجها ان تدفن معه كل أمواله. وعندما سالها احدهم ان فعلت ذلك، اجابته بالتأكيد. قالت: كتبت له شيك وبس يوصل على الجنة بيقدر يصرف الشيك في أقرب مصرف..
وانتو مودعين حتاخذوها شيكات بتصرفوها بالجنة.. او بجهنم..

هللويا.. الودائع بخير..
قدس الاقداس.. صلوا عليها بصلاة الجمعة وقداس الأحد.. وحضروا الكوميديا ..
انتظروا اجتماعات صندوق النقد… حيعطيهم شهادة حسن سلوك good boys. وبعدها بابا نويل الشحاذة بيجمع الغلة من الدول المانحة.. وبتشتي الدنيا مصاري وبتشتي علينا فلوس.. وبتجي العروس..

(هني مش أغبياء.. الغبي اللي ناطرهم..)

٢٠ نيسان ٢٠٢٥
حسن أحمد خليل