٢٢ نيسان ٢٠٢٥ خبرية جد مش مزح.. ناطرين لنعرف نتيجة زياراااات ت ت الوفود اللبنانية لواشنطن.

خبرية جد مش مزح..
ناطرين لنعرف نتيجة زياراااات ت ت الوفود اللبنانية لواشنطن.
بعلمنا المواعيد مع صندوق النقد اللي ما صارت بعد. بعلمك صار كل واحد عم يرتب مواعيد شخصية لحاله ليفوت ويهمس: انا زلمتكم مش غيري.. اللي راحوا لواشنطن واللي ناطر بلبنان عودتهم، متل اهل الكهف اللي عاشوا ٣٠٠سنة مع كلبهم بالمغارة.. مش ناطرين توقيع Good boys, و٣ مليار على ٤ سنين، الجمارك والعقارية بيطلعوهم بسنة..
ناطرين مؤتمر باريس ١ و٢ و٣ وسيدر جدد. ناطرين شحاذة جديدة..
مضطر رئيس جمهورية يزور الخارج متشان٦٠ مليون ليطعمي الجيش.. بينما سرقة الطوابع ٢٠٠ مليون والمولدات بالمليارات..
لبنان في قمة التخلف بين ١٩٣ دولة..
دولة فاشلة..
نظام قمعي وفاشل..
حكومات فاشلة..
مجالس نيابية مجرمة..
قضاء فاسد..
مصارف لصوص..
مجتمع فاشل..
وشعب جاهل متخلف متعصب عنصري.. وفاشل..
اللي زعل يقطع كيس الطحين..
عفوا نسيت؟؟ ما في محل بالمطاعم.. مفولو وولعانة..
لازم استبدال الارزة بالعلم الى كرسي وطاولة وكبة نية وكاس..

٢٢ نيسان ٢٠٢٥
حسن أحمد خليل