بعد بيان جمعية المصارف..
والهجوم عل صندوق النقد..
اولا اين العقلاء بينكم؟ ما شايفين انكم رايحين عالمهوار بسبب تصرف الشياطين منكم.. ام انتم “اذكياء” مفكرين انو اذا نجحوا الشياطين بتكسبوا معهم.. واذا فشلوا بتغسلوا ايديكم منهم..
نسيتوا ان الراسمال جبان.. وان المال قبل البنون..
وان المرء لا يلدغ من الجرح مرتين..
لا يا شاطرين.. العقلاء لازم يرفعوا الصوت، والا ما رح ينعطوا تبريرات مخففة بعدها..
وشو ما عملتوا..
لو قاضي القضاة وحكومته والحاكم المركزي الهارفردي غطاكم، ولو اشتريتم الجمهورية كلها وحكومتها ومجلس نوابها وقضاءها وضباطها..وفوقهم كل الشاشات التلفزيونية والاعلام المسخ..
ولو حماكم البطاركة والمفتيين..
ولو ما حاسب القضاء المرتشي المرتكبين ..
وبعدين؟
ما حدا رح يرجع يتعامل معكم ومع لبنان، الا بعد ان يتم وضع اليد على القطاع المصرفي برمته، ونفضه، وتقييم من يمكن تعويمه، ومن يجب ان يكون تحت إدارة البنك المركزي ولجنة خبراء مستقلة، وتختفي وجوه بشعة افحشت..
والا ستتحولون كما انتم اليوم، دكاكين وساطة وصرافة وكومسيون وفتح اعتمادات..
ويبقى الاقتصاد مشلول بسبب جشعكم وجشع كل الذين اشتريتوهم اعلاه.
١٧ ديسمبر ٢٠٢٥
حسن أحمد خليل
