٢٩ ديسمبر ٢٠٢٥ بالله اسمعوا هالسمعية..الرئيس بري معارض للخطة الحكومية..

بالله اسمعوا هالسمعية..
الرئيس بري معارض للخطة الحكومية..

بالله.. بالله.
هل هذا يعني انه ضد خطة ياسين جابر؟
وتمارا الزين ستصبح عضوا في الهيئة التنفيذية للحركة..
دولة الرئيس. فيك تناور تقليديا مع سياسيين خشب تقليديين.
لكن مناورة توزيع الأدوار على الناس خلص مفعولها..
الرأي العام اللبناني عامة والشيعي خاصة استوى وانكوى وتعلم..
اذا ساكتين فسكوتهم خوفا وعجزا وتهديدا.. لا تاييدا..
~شافوا بعينهم انك انت من منعت الكابيتال كونترول اللي صاغه وزير ماليتك يومها غازي وزني وسببت له اكتئاب. وساعده فيها حينها الوزير الحالي..
~شافوا بعينهم انك شجعت المغتربين وطمأنتهم ان ودائعهم لا خوف عليها، ووزير ماليتك علي حسن خليل خرج بالاعلان على ان القطاع المصرفي متين والحاكم رجل حكيم والليرة بخير، كما فعل ايضا الموالي لك اللي بتعينه دايما انت رئيس لجنة المال والموازنة.
~الناس شافت كيف منعت بالقوة اي تدقيق جنائي وامنت حماية شخصية من قوى أمنية للدولة ومن حرسك لرياض سلامة، واخيرا اتفقت مع الآخرين اطلاق سراحه وبعده بحمايتكم..
~التاس شهدت كيف طفشت حسان دياب وحكومته وخطتها اللي كانت بتأمن نقدا اكثر من ٥٠٪. من الودائع، مش سندات لف سندويشات..
~والناس شافت كيف المجلس النيابي تحول لمجلس المصارف برعايتك..
~ولليوم بتعين فاسدين من جماعتك بالدوائر وهيئات الرقابة وهيئة التحقيق والبنك المركزي والمصالح العامة.
~شو صار باموال الضمان المشرف عليه من ٣٠ سنة وفيه اموال مئات الالاف من العوائل.
واليوم جايي تقول انت ضد الخطة؟
كم مرة طرحنا عليك المشكلة والحل.. وازدادت شراستك ضدنا، واوعزت بمهاجمتنا انو طموحنا وزارة ونيابة. لو هيك كنا قدمنا الولاء وحصلنا عليها..

خلاص بيكفي اللي صار بالبلد وخاصة بالناس اهلك، اللي حلفوا بحياتك وخسروا مصرياتهم وجنى اعمارهم من وراء كل “انجازاتك”.

هل بنكمل ونخبر الناس كيف قمعتنا على ٣٠ سنة لاننا حذرناك من لعب البنك المركزي، واعطيت كل الاعلام لمقاطعتنا.. حتى خاصمت اي شخص قريب منا، الى ان يقاطعنا..

والاتي اعظم..
والناس حتشوف بعد.. ونحن ننتظر ونبتسم..
ممكن الكذب على بعض الناس كل الوقت..
او على كل الناس بعض الوقت.
بس ما في كذب ولو من نابغة فيه يستمر على كل الناس كل الوقت..

٢٩ ديسمبر ٢٠٢٥
حسن أحمد خليل