٢٥ تشرين الثاني ٢٠٢٥ نكتة بتضحك.. وبعدها بتبكي انت وعم تضحك..

نكتة بتضحك..
وبعدها بتبكي انت وعم تضحك..
لما قلت لحكيم صاحبي لبناني في أوروبا، وهو طبعا علماني متلنا، مولود بلبنان ومسجل غصبا عنه بطائفة ما، واختصاصي جهاز هضمي، انو في البعض بيقولوا عن بعض آخرين بلبنان ما بيشبهوهم… ضحك وقال: خليهم يجوا لعندي يوم واحد. انا بعمل كل يوم ٦ او ٧ فحوصات منظار للمصران الغليظ. يعني Colonscopy..
بفرجيهم بالدليل انو كلهم متل بعض..
ضحكنا كتير ودمعت عيننا..
جراح الراس اللبناني اللي كمان كان موجود، ضحك وقال لطبيب الهضمي:
اقله انت كل واحد بتفحصه عنده مصران بجسمه. بس انا مش كل واحد بفحصه عنده دماغ براسه..
أيضا ضحكنا ودمعت عيننا الثانية..
وحكينا كيف الكل بينتهي بجورة مترين بمتر تحت التراب.. ودمعوا العينتين..

٢٥ تشرين الثاني ٢٠٢٥
حسن أحمد خليل