Hassan Khalil
27 نوفمبر 2022·
وبشرفكم اسمعوا خبرية تانية،غير خبرية الصبي اللي غش الناس بمليونين دولار بصيدا وهرب.
واحد كان يقولوا عنه خبير مالي، لانه اشتغل محرر مالي بجريدة بالماضي. متل هالوجوه الخبراء الجديدة اللي نبعت، وكل يوم بتتنقل على تلفزيونات رياض سلامة، وبرامجه.
شي بروفسور، وشي بذقن وشي برأس وشي بلا رأس.
بيقول هالخبير، اللي ترقى لرجل اعمال، انو رياض سلامة اعطاه ترخيص شركة صيرفة ونقل اموال وذهب، ووو.
يعني هو قريب من سلامة.
وبنفس الوقت، هو بيقول انو قريب من عون وباسيل.
وطبعا الرجل معروف انه اذا ضيعته، كنت بتلاقيه عند السفير السوري اللي كان يروج له انه مستشار الحكومة السورية لاعادة هيكلة الاقتصاد السوري.
والاهم طبعا هو يقول انه قريب من الحزب.
وهو ذكي لدرجة، متل ذكاء اللي بيسمعوا له، انو بسببه تم الترويج لسياسة “التوجه شرقا”، من غير ما حدا يكلف خاطره يبعث وفد على الصين للتاكد، او حتى يسال السفير الصيني، اللي بلغ كل من سأله انو ما معه خبر بشيء.
هلق بلشتوا تعرفوا ليش المصيبة مش بس بالزعران.
وانو المصيبة الاكبر ياللي بتكون متأمل منهم.
كل يوم بيمر، بيتأكد ان اللبنانيين فيهم اذكياء كتير. بس ال…….
عددهم اكثر بكثير.
حسن أحمد خليل[size=150]
