25 مايو · 2023
اخبار جيدة
كل عمره بلبنان جزء كبير من السياسبين والاعلام والاعلاميين مأجورين.
بس ما سبق انهم جنوا وفجروا متل هالايام.
يا جماعة. تلفزيونات وكاتبين نشرات الأخبار ومقدمي برامج وضيوف، صاروا فاجرين لدرجة، وكانهم في سوق الاوادم.
بعد شوية اذا طلع رياض سلامة وقرر يعترف، ويقر عن كل شركائه، ممكن يدافعوا عنه انه عم يكذب لأنه مهدد..
يا لطيف شو مزروكين وملبكين..
وبيطلعوا على الشاشات وبيهاجموا الامبريالية والراسمالية والاستعمار والغرب والشرق.. “بس رياض بريء، الا اذا حدا جاب دليل.”
*كلهم بيعرفوا انو اول دليل هو بحساباتهم..*
تنظير: مؤامرة دولية لسرقة اموال رياض في اوروبا.
ومؤامرة من جورج سورس لياخذ القطاع المصرفي.
وكل القضاة اللي استدعوا رياض سلامة فاسدين، من النائبة البلجيكية الى المدعي العام السويسري الى القضاة الفرنسيين والالمان.
لازم التحقيق معه في القضاء اللبناني المعروف انه انزه قضاء على الارض..
*انه العهر..*
يا لطيف هيدا رياض شو كريم..
قديش دافع؟
طبعا. كريم مش من مال ابوه..
طيب اللي اخذ منه، مش عارف انو عم يقبض من مال الناس..
والمشكلة انو اصحاب المال ساكتين. شوفوا الصورة..
*انه بلد العهر..*
بس يا لطيف شو كان صار فيهم لو ما طلع الزلمي لهلق محمي..
لهلق.. الوحيد المذنب الخضرجي على العربة بلا رخصة، وحسن بزي لانه “تجرأ ورفع دعوى وعلا صوته”..
٢٢ ايار ٢٠٢٣
حسن أحمد خليل
