3 يوليو · 2023
بتتذكروا؟
بتتذكروا طوابير البنزين والافران، وكيف ما صدقتوا التنكة ب٣٠٠الف وربط الخبز ب٥٠٠٠.
اليوم قديش؟ ١،٦٨٠،٠٠٠.
تدجنتم…
بتتذكروا الودائع وصراخها..؟
من زمان رضيتوا بال٤٠٠ دولار للمضطرين. والباقي نسي وديعته. وناطرين تعميم جديد..
تدجنتم..
بتتذكروا سعر الصرف والتحذيرات انو حيوصل ٥الاف؟ وصلوه الى ١٤٠الف، واليوم ٩١الف، وما عاد هم!
تدجنتم.
بتتذكروا الكابيتال كونترول والسرية المصرفية والتدقيق الجنائي؟
اليوم المطاعم مليانة وما حدا فارقة معو!
تدجنتم..
والله لو اغتصبوا جيرانكم امام عيونكم، بتتطلعوا وبتكملوا اكل وشرب..
تدجنتم حتى الى ان الدجن تدجن معكم..
صحيح ان ليس من سياسيين متل السياسيين اللبنانيين..
لكن كذلك ليس من شعب كالشعب اللبناني..
حدود مفهوم الوطن والدولة والمجتمع عند أغلبه، هو غرفة نومه ومطبخه وبطنه..
بعدها انشالله ما ينبت حشيش..
معقول الحشيش هو السر…
٣ تموز ٢٠٢٣
حسن أحمد خليل
