22 أغسطس · 2023
10دولار ترعب الجمهورية واهلها..
شو السيرة؟
حضرت سياسي كبير عم يخطب، وايده عم ترجف..
فكرت معه مرض باركنسون..
شفت شاشة تلفزيون بتهز كل الوقت. فكرت الشاشة خربانة…
سمعت عن قاضي بعد له شهرين، وبيتقاعد.. طلب تقاعد مبكر، لانه “مرض”..
شفت خبير مالي من الجدد، عم يقرأ كتاب عن الليرة والدين العام، ويحفظه..
شو في؟
في انو الفايننشال تايمز، مش حسين ومارون، كتبت انو سلامة موزع شرائح الكترونية ثمنها 10دولار عليها اسماء الشركاء..
وقت اللي كان حاكم كان شاريهم بالمصاري..
ولما بطل حاكم، صار راعبهم بشريحة الكترونية ثمنها 10دولار.. عليها كل اسمائهم..
صارت اليد والشاشة والورقة اللي كانوا يخبروا عن متانة الوضع المصرفي والليرة بخير، ويقمعوا اللي كانوا يحذروا، عم صاروا عم يرجفوا بسبب شريحة 10دولار..
هل موجودة؟
مش مهم.
عملت فعلها جزئيا..
رياض كريم.. وحربوق وذكي بنفس الوقت..
رياض مش مهم.. ما بعده الأهم..
مسلسل مضحك مبكي درامي.. قد يتحول الى مسلسل عنفي..
السؤال:
بعدو بلبنان؟
وهل بعد في لبنان، او بس ارض عليها بطون وافخاذ، وموميات تعلف وتمشي وتسهر.. كالزومبي..
22 اب 2023
حسن أحمد خليل
