مبروك للجميع..
أخبار جدا سارة وواعدة..
~الدروز انبسطوا بتعيين رئيس للاركان, كونه مركز درزي.. مبروك..
~وهيدا صار بعد التمديد لقائد الجيش الماروني، واللي بالتمديد له، مرق تمديد قائد قوى الامن الداخلي، لانه سني، والعكس صحيح..
~ الشيعة ما عندهم قلق. مضمونين ومبسوطين دنيا وآخرة، بوجود القائد، طويل العمر.. ما بحاجة لظرف ما لينبسطوا.. عندهم مراكزهم، ولازم يباركوا مراكز الآخرين..
~ ومع هيك، البطريرك خطب البارحة، يطالب بانتخاب رئيس للجمهورية، كما باقي الاحزاب المسيحية. لانهم كلهم مهووسين رئاسة جمهورية لانها لهم..
بعدهم ما اقتنعوا انهم لو عندهم رئاسة وكرسي من ورق، بس الجمهورية صارت خارج سلطتهم.. وحتى حاكن المركزي اللي جعلوه خط احمر كان شريك مع الآخرين.. اذكياء!!!.. الغطرسة والفوقية بيطيحوا بالذكاء..
واكثر حجة ورفع صوت عندهم، بدل إطلاق مشروع دولة مدنية علمانية، هو التلميح بالفيديرالية او التقسيم.. هيدا هو الافلاس الفكري الفعلي، ودليل العجز..
شو العمل اذا كانوا اصلا هني بيكرهوا بعضهم، وشاحذين سكاكينهم على بعض..
كل هالمجموعات المذكورة اعلاه من كل الاطراف، والمتلبسين طوائف مزيفة، بيحكوا بالاصلاح وبناء دولة، وبيحبوا لبنان للموت..
موتوه وشبعوه موت..تخبزوا بالافراح..
*بعضهم، منافقين دين ودنيا، بيدعوا قدموا دم للبنان.. والله سياتي يوم يبكوا كلهم دم على لبنان..*
١٠ شباط ٢٠٢٤
حسن أحمد خليل
Translate post
4:58 PM · Feb 10, 2024
·
28K
Views
