٩ تموز ٢٠٢٤ من نهفات ابو سليم وفرقته..

من نهفات ابو سليم وفرقته..
حلقة اليوم عن فضيحة ابتزاز 250الف دولار من صاحب شركة تأمين..
قاضي جريء اصدر الاتهامات..
المتهمين وزير اقتصاد واخوه ومستشاره..
طبعا الوزير عنده حصانة..
قام الوزير اللي حسى بالسخن، عمل زيارتين لابو سليم ابو الحلول ولفهمان الكشتبنجي..
السؤال الاول ليش يستقبلوه؟ وشو دخل ابو سليم وفهمان بالموضوع؟
والسؤال التاني. شو السر كل الفضائح بتنتهي متل بعضها.. وبيتدخل اسعد وشكري شكرالله ..
من قاضي لقاضي لتحت المزراب، واحزروا عند اي قاضي بتنتهي.
ابو سليم وفهمان وبحركة من شكري واسعد بالموضوع، بتنتهي الحلقة بتبويس الذقون.. ويا دار ما دخلك شر..
والوزير وعشيرته وسليلته بيصيروا من ربع واهل بيت ابو سليم يحلفوا بحياته..
الخميس الجاي في برنامج صحافي بيعمله جميل، بيصير ينكت على مين؟ على غادة..
يا صفية ما في اهضم من مسلسلات ابو سليم..
بعد في حلقات كتيرة بالموسم الجاي..
في حلقة حلوة كتير عن الودائع..
بتطقطق ضحك..
ما فيش فايدة..

٩ تموز ٢٠٢٤
حسن أحمد خليل

Translate post
10:18 AM · Jul 9, 2024
·
16.9K
Views